Гуру ПесенЯнка Купала - Моладзі (03) | Текст песни
Pesni.guru - сайт для Гуру
Нашай сумнай забранай зямлі;
Твой арліны палёт цьмы развее
I запаліць веквечны агні.
Ты разбудзіш прыспаныя сілы
I на вольны паклічаш прастор
З забыцця беспрасветнай магілы
Да бліскучага сонца, да зор.
Ты на бацькаўскім, моладзь, кургане
Узнясеш нездабыты пасад,
Што расточыць сваё панаванне
На ўвесь свет, дзе сягне твой пагляд.
Табе будуць не страшны заломы,
Злыя ворагі, іх варажба:
Долю, праўду з маланак і громаў
Твае выкрасяць гарт, барацьба.
Схамянайся ж ты, моладзь арліна!
Ў бок другі віхры веяць прымусь,
Бяры светач, ідзі за судзьбінай,
Ідзі з словам святым: Беларусь!
1914
(чытае Валер Шушкевіч.)
Аўдыё суполкі "Беларуская мова":
http://vk.com/belmova
Статистика страницы на pesni.guru ▼
Просмотров сегодня: 1