ШАКИРОВ Станислав - Тылат | Текст песни

• Тексты песен
• ШАКИРОВ Станислав
• Тылат

Тылат

Мутшо Вячеслав Абукаев-Эмгакын
Семже Станислав Шакировын

Каласе мыланем эн ныжылге мутетым,
Каласе мыланем.
Эре тый чоныштем улат эн лишыл семын,
Улат тый чоныштем.
Мый тидым тыланет ойлем шӱм муро йӱкын,
Ойлем мый тыланет.
Ойлем мый тыланет.

Ужам да йывыртем пеледыш чуриетым,
Колам да лыпланем яндар лыжга йӱкетым,
Мондем гын, йӱдомем
Шарныктара улметым, шӱмбел йӧратымем.

Муралте мыланем эн ныжылге муретым,
Муралте мыланем.
Сар шӱшпык гай йӱкет шыҥен пеледше чоныш,
Сар шӱшпык гай йӱкет.
Сандене тый дечет вучем лыжга вашмутым,
Вучем мый тый дечет.
Вучем мый тый дечет.
Ужам да йывыртем пеледыш чуриетым,
Колам да лыпланем яндар лыжга йӱкетым,
Мондем гын йӱдомем
Шарныктара улметым, шӱмбел йӧратымем.

Шӱмбел йӧратымем,
Мый тул пеледыш лийым. Лишемын воктекем,
Ончалын колто мыйым.
Кунам йога памаш, ила йӧратымаш.

Тарване пеленем тора я лишыл корныш,
Тарване пеленем.
Ӱшане мыланем, лиям тылат эҥертыш,
Ӱшане мыланем.
Волгалтын йӧратен, ойлем эн шерге мутым,
Корнетым волгалтем.
Мый тыйым йӧратем.

Колышт, колышт чонем гыч лекше семым,
Ала шым мошто мут ден каласен.
Шоно, шоно, йӧратыше шӱмемым
Ала кертеш ойлен ты муро сем.