Салават(25 сезон) - Өнсә авылы көе | Текст песни

• Тексты песен
• Салават(25 сезон)
• Өнсә авылы көе

Безнең авыл өсләрендә
Йолдыз яна яктырак ла;
Айга да йолдыз бик якын,
Син генә миннән ерак.

Исмәле, җил, туктале, җил,
Өзмә гөлләр чәчәген лә;
Алга килми белеп булмый
Башның ни күрәчәген.

Кыйблалардан искән җилдән
Бөгелә талның нечкәсе лә;
Йөрәгемнең саф җиреннән
Чыга сагыш чишмәсе.

Сызылып таңнар аткан чакта
Ямансу була язын ла;
Аерыласын алдан белдем —
Ялгыз күрдем кыр казын.