Рождество Христово - Небо и земля днесь пророчески - Волсви, персидстии царие - Ликуют Ангели вси | Текст песни

• Тексты песен
• Рождество Христово
• Небо и земля днесь пророчески - Волсви, персидстии царие - Ликуют Ангели вси

На литии стихиры самогласны, глас 1.
Иоанна монаха:

Небо и земля днесь пророчески да возвеселятся, / Ангели и человецы духовно да торжествуют, / яко Бог во плоти явися / сущим во тьме и сени седящим, рождейся от Девы; / вертеп и ясли прияша Того; / пастырие чудо проповедуют; / волсви от восток в Вифлеем дары приносят. / Мы же хвалу недостойными устнами ангельски Тому принесем: / слава в Вышних Богу, и на земли мир, / прииде бо Чаяние языков, / пришед, спасе нас от работы вражия.

Слава, глас 5. Иоанна монаха:

Волсви, персидстии царие, / познавше яве на земли рождшагося Царя Небеснаго, / от светлыя звезды водими, / достигоша в Вифлеем, дары носяще избранныя, / злато, и ливан, и смирну, / и, падше, поклонишася: / видеша бо в вертепе Младенца лежаща безлетнаго.

И ныне, глас 6.

Ликуют Ангели вси на Небеси, / и радуются человецы днесь, / играет же вся тварь рождшагося ради в Вифлееме Спаса Господа, / яко всякая лесть идольская преста, / и царствует Христос во веки.