Падары мне сваю адзіноту,
Цемнавокі пагляд падары.
Хай грымяць над зямлёю грымоты,
Усё роўна пагляд падары.
На зямлі, дзе блакіцяцца высі
Нам з табою спаткацца не раз.
Падары мне цнатлівасць абрысаў,
Свой святы, Бога светлы абраз.
Падары мне сваю адзіноту
І самоту сваю падары.
Хай грымяць над зямлёю грымоты,
Усё роўна свой сум падары.
Хай яго раскалышуць бярозы
Хай развеюць яліны-бары,
Падары мне вячэрнія слёзы
І начныя ты мне падары.
Падары мне сваю адзіноту,
А ўсмешку с собой забяры.
Хай грымяць над зямлёю грымоты
Хай маланка блішчыць у бары.
Нас з табой абвянчае на векі
Гэты дзень, што ўдалеч бяжыць.
Падары мне чарнявыя векі,
Мне без іх на зямлі не пражыць.
Нас з табой абвянчае на векі
Гэты дзень, што ўдалеч бяжыць.
Падары мне чарнявыя векі,
Мне без іх на зямлі не пражыць.
Статистика страницы на pesni.guru ▼
Просмотров сегодня: 2