Медведева Алевтина, Медведева Евгения - ЧИГАН НЫЛ Крезьгурез Алефтина Корепановалэн, кылъёсыз Галина Романовалэн | Текст песни

• Тексты песен
• Медведева Алевтина, Медведева Евгения
• ЧИГАН НЫЛ Крезьгурез Алефтина Корепановалэн, кылъёсыз Галина Романовалэн

Чиган ныл тапыртэ,
Эх, эктэ ук, эктэ!
Бубыли кадь лоба,
Унябей кадь берга.
Тымиськем мылкыдыз
Пальккаське зарезен.
Я бен, дугды ни, дугды,
Чебер чиган ныл!
Кинэ ке ӝуалтод,
Сюлэмзэ вырӟытод.
Но уд быгаты, уд,
Но уд быгаты, уд
Тон сое буйгатны.
Дыректӥз мугорыз,
Сӥялскиз мылкыдыз,
Уллане лэзькизы
Бадӟымесь синъёсыз.
Удмурт ныл сямен со
Лэйкытак вамыштӥз.
Но ӧз дугды, ӧз дугды
Чебер чиган ныл!
Йырсиос гомало,
Пыдтышъёс тапырто,
Тодымтэ, адӟымтэ,
Тодымтэ, адӟымтэ
Пӧсь вуэн пылато.
Ой, дугды ни, дугды,
Йӧспортэм чиган ныл!
Милемлы валантэм
Шукырес выремед.
Кинэ ке ӝуалтод,
Ӝуалтод но кошкод.
Но ӧз дугды, ӧз дугды
Чебер чиган ныл.
Тыл поттӥсь синъёсын
Котырак учертӥз:
«Яратон тылӝуын,
Яратон тылӝуын
Мон ачим но сутско».