Капела Древутня - Кедь ми прийшла карта | Текст песни

• Тексты песен
• Капела Древутня
• Кедь ми прийшла карта

Кедь ми прийшла карта нароковац,
Став я свого няня дошіковац:
"Станьте няню зробу зробте таку волю
підьте за ня служить на ту войну"
"Станьте няню зробу зробте таку волю
підьте за ня служить на ту войну"

не піду я служить на ту войну
ні не піду служить я за тебе
"кеть ти прийшла карта іди на воєнку
іт на войну служить сам за себе"
"кеть ти прийшла карта іди на воєнку
іт на войну служить сам за себе"

"Мої камаратья вчиньте волю
ідьте за мя служить на ту войну
бо я іще младий і младе дівча ма
як ня виручите шитко вам дам
бо я іще младий і младе дівча ма
як ня виручите шитко вам дам

Кедь ми прийшла карта нароковац,
Став я музиченьків дошіковац:
"Гей ви, музиканти, заграйте ми чардаш,
Най я си витанцюю свій младий час".
"Гей ви, музиканти, заграйте ми чардаш,
Най я си витанцюю свій младий час".

Стали музиченьки чардаш грати,
Стали ми ся сльози з очей ляти.
Ніхто не заплаче, ні отець, ні матка,
Лем за мном заплачут три дівчатка.
Ніхто не заплаче, ні отець, ні матка,
Лем за мном заплачут три дівчатка.

А єдна заплаче, бо я її брат,
А друга заплаче, бо я її сват,
А третя заплаче, бо плакати мусить,
Бо вона від мене першінь носить.
А третя заплаче, бо плакати мусить,
Бо вона від мене першінь носить.

Кедь ми прийшла карта нароковац,
Став я свого неня дошіковац:
"Неню ж ти мій, неню, вчинь ми таку волю –
Йди за мене служить на ту войну".
"Неню ж ти мій, неню, вчинь ми таку волю –
Йди за мене служить на ту войну".