Исмаил-хаджи Джатдоев - Зикир Исмаила Семенова | Текст песни

• Тексты песен
• Исмаил-хаджи Джатдоев
• Зикир Исмаила Семенова

Pesni.guru - сайт для Гуру

Мелодия и стихи Исмаила Семенова (Джырчы Сымайыла) (1891-1981).

Джан тебреннген заманда
Джан ачыдан Сен сакъла,
Сыйлы Уллу Аллахым,
Джандетле бла Сен джокъла.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

«Къуран - джюрекни ийнагъы,
Намаз - къабырны чырагъы,
Зикир - Сыйратны бурагъы», -
Айтыгъыз, Аллахны къуллары.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Намаз сыйлы къуллукъду,
Аллахдан келген буйрукъду,
Бетинге нюрю урлукъду,
Къабырда нёгер боллукъду.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Джандет кийим болгъаед
Дженгсиз, джагъасыз кёлегим,
Къабырда нёгер болгъаед
Онг джанымдагъы мёлегим.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Тут ораза, къыл намаз,
Бошлама нафсынга санынгы,
Салдырма джаханимге
Аллах джаратхан джанынгы.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Тутсанг ораза, къылсанг намаз,
Кем затланы Аллах кечер,
Биз умметге саналсакъ,
Файгъамбар шафагъат этер.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Я, Аллахым, рахмат эт
Шафагъатха кирирге,
Муслиманнга насыб эт,
Ийман бла ёлюрге.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Шукур болсун Аллахха,
Файгъамбарны джаратхан,
Уммет этиб бизни Анга,
Ислам динни танытхан.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Рахмат бла, я Аллах,
Кечилсин гюнахыбыз,
Джаханимден кенгде къалсын
Сен джаратхын джаныбыз.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.

Тюз Аллахым аллайды,
Хар затны да кёреди,
Хар адамны иннетича
Аллай насыб береди.

Ля иляха илля Аллах.
Ля иляха илля Аллах.
Ля иляха илля Аллах,
Мухаммадан расулюЛлах.