Зариф Бапинаев - Заманны къызлары (шуточная) | Текст песни

• Тексты песен
• Зариф Бапинаев
• Заманны къызлары (шуточная)

Pesni.guru - сайт для Гуру

муз. и сл. Раисы Токумаева

Шёндюгю къызла ариу киелле,
Жангы капеклей а нюр жанып,
Эрге да бармай, къалып кетелле,
Жан тынчлыкъларын а къызгъанып.

Жашлада къыйма жокъ а суналла,
Арбазы малдан толмаса.
Сюймеклик десенг, жууап бермейле,
Макъырып къойган болмаса.

Намыс этселе, тергеп этелле,
Тиллерин уста жеттирип,
Эски адетге "ни почём" дейле,
Тырнакъчыкъларын а ёсдюрюп.

Тамада кирсе уа, турмай къалалла,
Жюзюклерине уа къатханлай.
Боюнларын алтын сынжыр бла,
Шинтиклерине уа такъгъанлай.

Ачыкъ салалла киемлерини
Западдан келген а тамгъасын.
Айтып къояргъа бетим жетмейди
Импорт атсызны уа къаугъасын.

Алаша чурукъ а мода болгъанды,
Баулары тамакъ а буугъанлай.
Шёндюгю къызла сеийир жорталла,
Балчыкъда баппушча къуугъанлай.

Ой, бизни къызла уа бир субаё элле,
Балахон ауруу а тийгенчи.
Ол ауруу бизден кетерик болмаз,
Грекден хитон а келгенчи.

Грекден хитон келгенчи, джашла,
Сиз къатын ала да турмагъыз,
Таулу къызланы субай беллерин
Балахон бузгъан а сунмагъыз.