Валентина Есева - "Женщина коми" (слова Г.Юшкова) | Текст песни

• Тексты песен
• Валентина Есева
• "Женщина коми" (слова Г.Юшкова)

Pesni.guru - сайт для Гуру

Ичöтик да косiник,
Чукырöсь да дзор,
Шоныдiнас, косiнас
Уджавлiн тэ кор?!
Гöрлiн тэ да ытшкылiн,
Бертлiн сывъя пу.
Тöдлiн кочöг бытшкылöм,–
Мудзтö он нин шу!

Ок мыйта, мыйта сьöкыдсö пыкин да венiн!
Но эн измы – век мелi да шань.
Вай жö енлы моз копыртчам тэныд,
Коми ань, коми ань!

Война вылысь верöсыд
Юрсö бöр эз вай.
Сэки, тэрыб вöраса,
Вöчин кыклысь пай.
Пöдтiн гусьöн дойястö,
Сьöлöмнад эн усь.
А öд мустöм войясыд –
Быдöн сэтшöм кузь!

Ок мыйта, мыйта курыдсö пыкин да венiн!
Но эн измы – век мелi да шань,
Вай жö енлы моз копыртчам тэныд,
Коми ань, коми ань!

Колин посни челядьöн,–
Пасьтöд найöс, верд.
Но эн некор элясьлы,
Видлывлiн кöть, дерт.
Абу вывсьыд кымынöс
Велöдiн тэ со.
Кодi лыддяс, кымынöс
Пуктiн налы ноп!

Ок мыйта, мыйта тшыгöмсö пыкин да венiн!
Но эн измы – век мелi да шань.
Вай жö енлы моз копыртчам тэныд,
Коми ань, коми ань!

Воясыд оз косавны,
Чукырсьыд он мын.
Ичöтик да косiник,–
Кутшöм тэнад вын!
Миян олöм сулалас
Уна–уна нэм,
Лöза–вежа му вылас
Тэ кодьыс кор эм!

Ок мыйта, мыйта шогсö тэ пыкин да венiн!
Но эн измы – век мелi да шань.
Вай жö енлы моз копыртчам тэныд,
Коми ань, коми ань!