Азнор Казиев - Джюрегимде - кёгюрчюн | Текст песни

• Тексты песен
• Азнор Казиев
• Джюрегимде - кёгюрчюн

Pesni.guru - сайт для Гуру

Музыка Касбота Тамбиева, стихи Дины Мамчуевой.

Барды, барды бир кёгюрчюн джюрегимде,
Учуб чыгъыб, кеталмайды мийик кёкге.
Айтыр сёзюм айланады тил учумда,
Дуния бары сыйыннганды ууучума.

Джетегейли джети джулдуз джаннган кёкге,
Джанкъылычны нюр тогъайы тургъан чекге,
Къалырбызмы чыгъалмайын биз экибиз,
Тоюбузгъа джыйылмазмы тау элибиз?

Керилгенме садакъ атыб, джиберирге,
Тюшген джери мекям болур экибизге.
Къар тюбюнден джанкъоз чыкъгъан сейир джерде
Табылмазмы бир болургъа мадар бизге?

Кёкню джети къатына да джетер кибик,
Джети ёмюрню джукъланмайын кетер кибик,
Учургъанма джюрегимден бир джилтинни,
Бошлагъанма бек термилген илипинни.

Барды, барды бир кёгюрчюн джюрегимде,
Учуб чыгъыб, тебрегенди мийик кёкге.
Тыяйым деб, кюреширик тюлме энди,
Къайры сюйсе, ары учсун, дуния - кенгди.