Pesni.guru - сайт для Гуру
Я прыходжу да цябе з раніцы,
Здараецца,
Нечакана.
Ты выходзіш заспаная,
Сьветлая, ласкавая бы сонейка,
Каханая.
Я прыціскаюся да цябе
Халодны
З вуліцы
(“З вуліцы” у тэму ні з чым не рыфмуецца).
Ты зь ненамаляванымі вачыма,
Табе так нават лепей,
Магчыма.
Тоненькая,
У начной сукенцы,
Родная,
Што ты робіш з маім сэрцам!..
Ты паціскаеш плячыма:
Якім чынам
Мы можам быць разам,
Якім чынам?
Быць разам вельмі проста:
Проста трэба ня быць паасобку.
Кропка.
Мы не разумеем адзін аднаго,
Мы лаемся,
Не пагаджаемся з аргумэнтамі,
Злуем, памыляемся,
Сварымся кожны другі дзень.
Ці часьцей?..
Па сутнасьці, мне трэба ад цябе вельмі мала:
Хочацца бачыць побач з сабой ідэал
З вачыма бязхмарнымі,
Сьветлымі, ласкавымі бы сонейка,
Каханымі.
Ты звычайная,
Са сваімі праблемамі,
Цяжкасьцямі,
Гемарамі,
Кінь мяне.
Я не прызвычаены да жыцьця,
Таму што я хачу жыць так як я ХАЧУ жыць:
Асабіста сьвяткуючы асабістыя няўдачы,
Ня ўмеючы даваць здачы...
Я прыходжу да цябе з раніцы,
Здараецца,
Нечакана.
Ты выходзіш заспаная,
Сьветлая, ласкавая бы сонейка,
Каханая.
Другие названия этого текста
- Tav.MAUZER - каханая (1)
- Янка Маўзэр - каханая (0)
Статистика страницы на pesni.guru ▼
Просмотров сегодня: 1