Tav.Mauzer - Гэбельс | Текст песни

• Тексты песен
• Tav.Mauzer
• Гэбельс

Pesni.guru - сайт для Гуру

Я замовіў сустрэчу а дзевятаю увечары.
Гэбельс больш дакладны, чым я, ён не спазьняецца,
Ён станоўчы мужчына, ён амаль не прыгнечаны.
Тэлегледачы, панарама пачынаецца.
Ён старанны патрыёт, ён адданы народу,
Безь яго ў галаве робіцца неяк пуста.
Ён вэктар ідэалягічнай моды.
Але часам хлусьні бракуе густу.

Гэбельс –
Пасьлядоўны абаронца хрысьціянскай маралі.
Гэбельс -
гэта тое, што нас яднае,
Гэбельс –
Пасьлядоўны абаронца хрысьціянскай маралі.
Гэбельс!
На першым нацыянальным тэлеканале.

Ён здаецца сабе квапнай, незалежнай прастытуткай.
Справа нават ня ў грошах, а ў падыходзе да справы.
Каньюнктура, як надвор’е, зьмяняецца хутка.
Зараз ён левы, праз гадзіну ён правы.
Навошта шукаць ва ўсім лягічнай падставы?
У тэатры лялек торгаюць за ніткі.
Калі Гэбельс сёньня больш маўклівы й млявы,
Хутка зьмены напаткаюць нашу зьнешнюю палітыку.

Яго калега на вуліцы чакае партнэраў.
Гопнік недзе на ўскраіне гвалтуе дзяўчынку.
У Драздох сьпіць прэзыдэнт, у Менску ўсё спакойна!
Спадар Гэбельс, дазвольце паўгадзіны адпачынку!!
Сядайце, смачна есьці - лапша ўшная.
Ён забойца марных думак у пэнсіянэрскіх галовах.
Балючае жыцьцё гэтага краю –
Палова фашыстаў і мёртвых палова...
Куля зробіць тое, што ня здолела слова...