Shrimad Bhagavad Gita - Всупление - Dhyana Shlokam (by T.S. Ranganathan) | Текст песни

• Тексты песен
• Shrimad Bhagavad Gita
• Всупление - Dhyana Shlokam (by T.S. Ranganathan)

Pesni.guru - сайт для Гуру

(1)
pārthāya pratibodhitāḿ bhagavatā nārāyaṇena svayaḿ
vyāsena grathitāḿ purāṇa-muninā madhye mahābhārate
advaitāmṛta-varṣiṇīḿ bhagavatīm aṣṭādaśādhyāyinīḿ
amba tvām anusandadhāmi bhagavad-gīte bhava-dveṣiṇīm

(2)
namo'stu te vyāsa viśāla-buddhe
phullāravindāyātapatra-netre
yena tvayā bhārata-taila-pūrṇaḥ
prajvalito jñānamayaḥ pradīpaḥ

(3)
prapanna-parijātāya
totra-vetraika-pāṇaye
jñāna-mudrāya kṛṣṇāya
gītāmṛta-duhe namaḥ

(4)
sarvopaniṣado gāvo
dogdhā gopāla-nandanaḥ
pārtho vatsaḥ sudhīr bhoktā
dugdhaḿ gītāmṛtaḿ mahat

(5)
vasudeva-sutaḿ devaḿ
kaḿsa-cāṇūra-mardanam
devakī-paramānandaḿ
kṛṣṇaḿ vande jagad-gurum

(6)
bhīṣma-droṇa-taṭā jayadratha-jalā gāndhārī-nīlotpalā
śalya-grāhavatī kṛpeṇa vahinī karṇena velākula
aśvattāma-vikarṇa-ghora-makarā duryodhanāvartinī
sottīrṇā khalu pāṇḍavārṇava-nadī kaivartakaḥ keśvaḥ

(7)
pārāśarya-vacaḥ sarojam amalaḿ gītārtha-gandhotkaṭaḿ
nānākhyānaka-keśaraḿ hari-kathā-sambodhanābodhitam
loke sajjana-ṣaṭpadair aharahaḥ pepīyamānaḿ mudā
bhūyād bhārata-paṅkajaḿ kalimala-pradhvaḿsanaḿ śreyase

(8)
mūkaḿ karoti vācālaḿ
paṅguḿ laṅghāyate girim
yat-kṛpā tam ahaḿ vande
paramānanda-mādhavam

(9)
yaḿ brahmā varuṇendra-rudra-marutaḥ stunvanti divyaiḥ stavair
vedaiḥ sāṅga-pada-kramopaniṣadair gāyanti yaḿ sāma-gāḥ
dhyānāvasthita-tad-gatena manasā paśyanti yaḿ yogino
yasyāntaḿ na viduḥ surāsura-gaṇā devāya tasmai namaḥ