MORT feat. I.B. - 2.Ышем кылбур (ЧеК prod.) | Текст песни

• Тексты песен
• MORT feat. I.B.
• 2.Ышем кылбур (ЧеК prod.)

Ышем кылбуръёс.
(Intro) Тыныд сӥзем чуръёсме гожтӥ но малы ватӥ!?...
Тынад югыт синъёсыд шудо монтэк но пишто...

(Припев) Тыныд сӥзем чуръёсме гожтӥ но малы ватӥ?...
Дырен сётэм уйёсме ыштӥ но мае утӥ –
Тынад югыт синъёсыд шудо монтэк но пишто.
Тыныд сӥзем чуръёсме ӝуась тылын мон ышто!

1) Бен мон сыӵегес – кыско тылэз.
Вотэсын мултэс верало кылэз.
Улонын ке чус вӧзтӥд ортчо,
Ымдурме берло йыркурен куртчо.
Бен мал тон вӧзын йыры тып буша?
Бен мал тон вӧзын ымы омыр куша?
Сюлэмы тэтча, нош кыл быре,
Но тыныд сое уг вера, гожто кылбуре
Кыӵе тон мусо, кылчин тусо,
Син азям ялан, бен тон-а со?
Уйвӧтам туннэ тон нош пырад,
Учкыса синмам маке но нош верад.
Нош мон сайкай султӥ, синме зырай, гылтӥ.
Кылбурме лыдӟи на но сьӧрам кутӥ.
Шедьтыса тонэ сюлмысь верам потэ…
Но шоканэ дугдэ – кин ке кидэ кутэ…
(Припев) Тыныд сӥзем чуръёсме гожтӥ но малы ватӥ?...
Дырен сётэм уйёсме ыштӥ но мае утӥ –
Тынад югыт синъёсыд шудо монтэк но пишто.
Тыныд сӥзем чуръёсме ӝуась тылын мон ышто.
2) Эн ышы, тонтэк буш бушкам (мыным со синъёс кулэ)
Кин юатэк тонэ лушкам? (лобӟо кылбуръёс тылэ)
Мон вай берыкто со дырез (эшшо эскеро огпол)
Но кинлэн тонэ йӧтэ киез..? (вӧсьгес нош мыным кыкпол…)

Дуно меда со тыныд?
Уг вера ук ымдурыд…
Уг пот тодэме, зэмзэ,
Сюлмез бышкись шонерзэ.
Оло жаляд монэ? – Нош ик кошкиськод татысь.
Выльзэ гожто кылбурме. Уд шедьты сое тылысь.
(Припев) Тыныд сӥзем чуръёсме гожтӥ но малы ватӥ!?...
Дырен сётэм уйёсме ыштӥ но мае утӥ –
Тынад югыт синъёсыд шудо монтэк но пишто.
Тыныд сӥзем чуръёсме ӝуась тылын мон ышто! (2х)