Tarantella, facennoce 'e cunte,
nun vale cchiù a niente
'o ppassato a penzà.
Quanno nun ce stanno 'e tramme,
na carrozza è sempe pronta
n'ata a ll'angolo sta già.
Caccia, oje nénna, 'o crespo giallo,
miette 'a vesta cchiù carella,
cu na rosa 'int' 'e capille,
saje che 'mmidia 'ncuoll' a me.
Tarantella, facènnoce 'e cunte,
nun vale cchiù a niente
"'o ppeccomme e 'o ppecché".
Basta ca ce sta 'o Sole,
ca c'è rimasto 'o mare,
na nénna a core a core,
na canzone pe' cantà.
Chi ha avuto, ha avuto, ha avuto,
chi ha dato, ha dato, ha dato,
scurdàmmoce 'o ppassato,
simmo 'e Napule paisà.
Tarantella, stu munno è na rota,
chi saglie 'a sagliuta,
chi sta pe' cadé.
Dice buono 'o mutto antico,
ccà se scontano 'e peccate,
ogge a te, dimane a me.
Io, nu poco fatto a vino,
penzo ô mmale e penzo ô bbene,
ma 'sta vocca curallina
cerca 'a mia pe' s' 'a vasà.
Tarantella, si 'o munno è na rota,
pigliammo 'o minuto
che sta pe' passà.
Basta ca ce sta 'o Sole,
Tarantella, 'o cucchiere è n'amico,
nun 'ngarra cchiù 'o vico
addó mm'ha da purtà.
Mo redenno e mo cantanno,
s'è scurdato 'o coprifuoco,
vò' surtanto cammenà.
Quanno sta a Santa Lucia,
"Signurì'"
nce dice a nuje
"ccà nce steva 'a casa mia,
só' rimasto surtant'i'".
E chiagnenno, chiagnenno, s'avvìa,
ma po', 'a nustalgìa,
fa priesto a fernì.
Basta ca ce sta 'o Sole,
Статистика страницы на pesni.guru ▼
Просмотров сегодня: 1