Marisa Sannìa - Melagranada ruja | Текст песни

• Тексты песен
• Marisa Sannìa
• Melagranada ruja

Pesni.guru - сайт для Гуру

Melagranada ruja
(M. Sannia - F. Masala)
Nd’est falada sa turre, nd’est falada sa domo,
Su balente s’est mortu, su zigante s’est mortu
postu a manos in rughe in sa losa de frese
Nd’est falada sa turre! nd’est falada sa domo!
Ruja melagranada
T’ana dada su coru a sos canes famidos
tue no piangas pius, mama, has sa cara allizida
comente una candela
sos ojos tuos son duos fossos de lughe niedda
Nd’est falada sa turre! nd’est falada sa domo!
Ruja melagranada
T’ana dada su coru a sos canes famidos...
Mama, lassa pianghere s’istella de su seru
Appo frittu e sonnu, no doro
coperrimi de terra e cantami s’anninnia
Nd’est falada sa turre, nd’est falada sa domo,
Su balente s’est mortu, su zigante s’est mortu
postu a manos in rughe in sa losa de frese
Nd’est falada sa turre! nd’est falada sa domo!
Ruja melagranada
T’ana dada su coru a sos canes famidos