HOST - Bəlkə də nə vaxtsa | Текст песни

• Тексты песен
• HOST
• Bəlkə də nə vaxtsa

Pesni.guru - сайт для Гуру

(Chorus: Ayka, AiD)

Çox ağladı gözlərim

Buz bağladı əllərim

Bu şəhərin yalanlarında

Eşidilmədi sözlərim(x2)

(Verse1: AiD)

Yaşamağa həvəs yoxdu həyat əzbər bildiyim film

Sonda soruşsalar ki, necə yaşadın bilmirəm nə deyim

Həyat testlə tərs, daha pis 1 səhv 4 düz aparır

Hər bir yalan insandan daha neçə üz aparır

Kim gündüz darıxır, qaranlıq həsrətində

Üzündə nur yaranır sevgiyə nifrətində

Nə vaxtsa uçanda düşündüm ki, qanadım olarsan

Mən indi səmadayam, amma yıxılıram

Bəlkə də saraydayam, amma sıxılıram

Bu dünya hələ də nəsə demək istəyir, amma anlamıram

Getmək çox çətindi camaata əks tərzdə

Amma yenə də heç bir ümidi kiməsə bağlamıram

Bitir ot daş üstündə, bu əzmin nümunəsi

Quruyub yaş gözündə, bu dərdin büruzəsi

Açılar bəşəri sirlər hamıya şübhəm yox

Bəlkə də nəvaxtsa, amma bu gün yox

(Chorus: Ayka, AiD)

Çox ağladı gözlərim

Buz bağladı əllərim

Bu şəhərin yalanlarında

Eşidilmədi sözlərim(x2)

(Verse2: AiD)

Həyatdan alınan yaraları sağaltmaqdı indi tək maraq

Qisas hissi ürəyi bürüyür sevgini aldadaraq

Kim bilir kimin içini,dostunun dünyasını

Həyat gedir, günləri zaman odunda yandıraraq

Başımızı qaldıraraq istəyirik kömək göydən

Çünki uzaqdayıq özümüz öz ürəyimizdən

Bir qədəh iki əldə, ciddi səbəb durub öndə

Dərdləri unutmaqçün, gedirik özümüzdən

Bəlkə də yalan deyil dünya

Sadəcə hərənin öz həqiqəti

Kiminsə doğrusuyla kimsə razı deyil qəti

Şəkər və duz gətir

Bəlkə onunla dəyişdik həyatın ləzzətini

Kiminsə iç üzünü aç, artırıb şöhrətini

Ya da ki əlindən al bütün var-dövlətini

Danışacaq susanlar da bir gün şübhəm yox

Bəlkə də nə vaxtsa, amma bu gün yox

(Chorus: Ayka, AiD)

Çox ağladı gözlərim

Buz bağladı əllərim

Bu şəhərin yalanlarında

Eşidilmədi sözlərim