Гуру Песен Популярное
А Б В Г Д Е Ж З И К Л М Н О П Р С Т У Ф Х Ц Ч Ш Э Ю Я
# A B C D E F G H I J K L M N O P Q R S T U V W X Y Z

Ensemble Convivencia - Chansoneta Farai Vencut | Текст песни

Chansoneta farai, Vencut,
Pus vos m'a rendut Rossilhos,
E sapchatz que nos em cregut,
Pus no vim vostres companhos,
D'un drut novelh, don tota gens ressona
Que midons es a semblan de leona!
Ar sai que-s tocan las peiras d'Alzona,
Pus premiers pot intrar selh que mais dona.

E, si tot m'en ai joy avut,
Er en vuel esser mons e blos,
Quar no vuelh ab nom de cornut
Aver l'emperi dels grifos!
Autra n'am ieu que mais mi guazardona
Sos gens parlars, que s'autra m'abandona,
Qu'enjanatz es qui fals'amor razona,
E domna falh que-s recre per anona.

Mas, s'ieu saupes qu'ilh fos leos,
Ieu l'agr'avut caval ferran,
Pus de lieys non es poderos
Homs, si non es d'aital semblan!
Avol soudad'a midons resseubuda,
Quar per aver s'es de bon pretz moguda,
Que, s'ieu saupes per aver fos venguda,
Ma soudada ne pogr'aver avuda.

E fera-l d'autres guiardos
Que-l pogran valer atrestan,
Mas no s'azauta de chansos,
Ans se va de mi rancuran,
Que ditz que trop la vuelh levar en bruda,
E no vol esser tan luenh mentauguda!
E valgra-l mais en perdos fos ma druda,
Que sa falsa beutat agues venduda.

A-n Baut deforas la coman
Que jamais no-i vuelh aver part,
E non hi conosc autre dan
Mas quar en fis mon audiart:
Ai fals escutz, tan leu vos laissatz fendre
Qu'om de part vos non auza colp atendre,
Et ai vos o ben en cor a carvendre!
S'ie-us pugei aut, bas vos farai dissendre.

Ai las e co muer deziran
Per la bella que ses mal art
Es, e tan fina ses enjan
Qu'anc non amet volpil bastart!
E, si-l sieu cors volgues el mieu entendre,
Totz autres joys fora-n contra-l mieu mendre,
E ja d'un bais, si-l me volgues estendre,
No m'en feira tirar ni escoyssendre.
Chanso, vai t'en a mon Plus Lial rendre,
E diguas li qu'ieu sai dona a vendre.

Статистика страницы на pesni.guru ▼
Просмотров сегодня: 1
Видео
  • Chansoneta farai vencut (Kingdom of Heaven ... Chansoneta farai vencut (Kingdom of Heaven ...
    Ensemble Convivencia ... Music. "Chansoneta farai vencut" by Mittelalter Sound ...
  • Raimon de Miraval - Chansoneta farai vencut Raimon de Miraval - Chansoneta farai vencut
    taken from the album "Mittelalter Vol 1". (c) & (p) BOB-MEDIA GmbH & Co.KG. 4260101558398 ...
  • Ensemble Convivencia - Kingdom of Heaven Ensemble Convivencia - Kingdom of Heaven
    Chansoneta Farai Vencut in Kingdom of heaven. Music by Ensemble convivencia ...
  • Medieval Spirits - Raimom de Miraval - Chansoneta ... Medieval Spirits - Raimom de Miraval - Chansoneta ...
    Pictures by J.A. Nossem. Produced by BOB-MEDIA.
  • Raimon de Miraval - Chansoneta Farai Vencut Raimon de Miraval - Chansoneta Farai Vencut
    Music. "Chansoneta farai vencut" by Raimon de Miraval (Google Play • AmazonMP3 ...
  • Kingdom of Heaven-soundtrack(complete)CD2-20 ... Kingdom of Heaven-soundtrack(complete)CD2-20 ...
    it is :) It´s Chansoneta farai vencut by Ensemble Convivencia, and you´ll be able to find ...