Pesni.guru - сайт для Гуру
Чокътан берли, огълум, санъа.
Истей эдим анълатмагъа,
Догъру ёллар, билем, арарсынъ сен.
Къайда кетсенъ, къайдан къайтсанъ,
Алтын сарай, я чалашта ятсанъ,
Унутма тек – къырымтатарсынъ сен.
Кечер куньлер, кечер йыллар,
Ачар гуллер, акъар сувлар.
Кунеш киби догъар батарсынъ сен.
Унтурсынъ сен, атеш, бузны,
Къаткъан отьмек ве мубарек тузны,
Унутма тек – къырымтатарсынъ сен.
Дюнья санъа башынъ эгер,
Душман ве дост къолунъ опер.
Дженнет ёлунъ барып тапарсынъ сен.
Истесенъ огълум, мени унут,
Кокни якъып, денъизлерни къурут,
Унутма тек – къырымтатарсынъ сен.
Меним огълум, татар ады
Деделерден бизге къалды.
Байракъ киби котер кокке оны!
Шеит кеткен аталарнынъ,
Ве келеджек бутюн эвлятларнынъ,
Ашкъы ичюн унутма сен буны!
Статистика страницы на pesni.guru ▼
Просмотров сегодня: 1