Anonymous 4 - Carol: Nowel: Owt of your slepe aryse | Текст песни

• Тексты песен
• Anonymous 4
• Carol: Nowel: Owt of your slepe aryse

Nowel, nowel, nowel,
Nowel, nowel, nowel.
Owt of 3our slepe aryse & wake
for God manynd nowe hath ytake
al of a maide without eny make;
of al women she bereth the belle.
Nowel.
And, þorwe a maide faire & wys,
now man is made of ful gret pris;
now angelys knelen to mannys seruys;
& al þis tyme al þis byfel.
Nowel.
Now man is bri3ter þan þe sonne;
now man in heuen an hye shal wonne;
blessyd God þis game is begonne;
& his moder emperesse of helle.
Nowel.
That euer was thralle, now ys he fre,
þat euer was smalle, now gret is she;
now shal God deme bothe the & me
unto his blysse, yf we do wel.
Nowel.
Now man may to heuen wende;
now heuen & erthe to hym they bende,
he þat was foo, now is oure frende;
this is no nay þat Y 3owe telle.
Nowel.
Now, blessyd brother, graunte vs grace
a domes day to se thy face,
and in thy courte to haue a place,
þat we mow there synge nowel,
Nowel.

Translation

Nowell, nowell, nowell,
Nowell, nowell, nowell.
Out of your sleep arise and awaken,
for God has taken human form
from a maid without any equal:
of all women she is best.
Nowell!
And through a fair and wise maiden
humankind is now brought to its full worth;
now the angels kneel in the service of humanity;
and at Christmas time, all this took place.
Nowell!
Now man is brighter than the sun;
man shall now dwell on high;
blessed be God that this game is begun,
and his mother the empress of hell.
Nowell!